ЦЕГ: Төв талбайд өөрийгөө шатаасан иргэн захаас шатамхай бодис авсан нь тогтоогдсон

Өчигдөр буюу дөрөвдүгээр сарын 17-нд 19:30 цагийн орчим Сүхбаатарын талбайд 25 орчим настай эрэгтэй өөрийгөө шатаасан хэрэг гарлаа. Энэ талаар ЦЕГ-ын Хэвлэл мэдээллийн төвийн дарга, хурандаа Б.Баатархүү:

“Сүхбаатарын талбайд нэгэн иргэн өөрийгөө шатаасан хэрэг гарсан. Тухайн иргэний биеийн 50 хувь түлэгдсэн гэх мэдээлэл бий. Иргэн О, 24 настай. Одоо ГССҮТ-д эмчлүүлж байгаа. Захаас шатамхай бодис худалдан авч, уг зүйлээ ашиглан шатаасан мэдээлэл бий” гэв.