АН-ын бүлэг өлсгөлөн зарлаж буйгаа мэдэгдлээ
Өнөөдөр /2021.05.05/ улс төрийн нам, эвслүүд Ерөнхийлөгчийн сонгуульд нэр дэвшигчийнхээ материалыг Сонгуулийн ерөнхий хороонд хүргүүлж буй.
СЕХ нэр дэвшигчдийн материалыг хүлээн авч, хянан хэлэлцээд, бүртгэх боломжтой эсэхийг тавдугаар сарын 8-нд мэдээлэх хуулийн заалттай. АН-аас С.Эрдэнэ болон Н.Алтанхуяг нарын материалыг хүлээн авах хугацаагаа хойшлуулж, зөвхөн нэг нэр дэвшигчийн материалыг хүлээн авна гэдгээ СЕХ-ноос мэдэгдсэн.
Үүний дагуу АН-ын бүлэг суулт хийж эхлээд байсан бол одоо дараагийн хэлбэрт шилжиж өлсгөлөн зарлана гэдгээ мэдэгдлээ.Түүнчлэн Ерөнхийлөгч Х.Баттулгад хандан ҮАБЗ-ийг яаралтай хуралдуулж өгөхийг хүсжээ.
.
