Ардын хувьсгалын 100 жилийн баяр наадмыг ХЭН найруулах вэ

 Өнөөдөр /2020.05.14/ Үндэсний баяр наадмын концертын найруулагчийг тодруулна. Наадмын нээлт, хаалтыг найруулах найруулагчийг Үндэсний их баяр наадмын комиссоос сонгон  шалгаруулдаг.

Энэ жил Тулгар төрийн 2230, Их Монгол Улс байгуулагдсаны 815, Ардын хувьсгалын 100 жилийн ой тохиож буй билээ. Хэдий цар тахалтай ч баяр наадмаас өмнө тархалтыг нь намдааж, Үндэсний их баяр наадмыг тэмдэглэнэ гэж албаныхан мэдээлсэн юм.

Энэ жилийн хувьд Үндэсний урлагийн их театрын захирал Г.Цоггэрэл, УДЭТ-ын ерөнхий найруулагч Н.Наранбаатар, “Hero” энтертайнмент студийн захирал Б.Баатар нарын нэр дэвшсэн гэх таамаг олон нийтийн дунд өрнөөд буй юм. Түүхэн тэгш ой тохиож буй учраас энэ удаа Үндэсний их баяр наадмыг гурвуулаа хамтарч найруулж магадгүй гэсэн таамаглал бий аж.

Найруулагч Н.Наранбаатарын хувьд 2016, 2017, 2018 оны баяр наадмын найруулагчаар гурван жил дараалан ажилласан бол Г.Цоггэрэл найруулагч 2019 оны наадмын ерөнхий найруулагчаар ажиллаж байсан. Харин “Херо”  энтертайнмент студийн захирал Б.Баатар 2020 оны үзэгчгүй наадмын концертыг анх удаа найруулсан юм.

Similar Posts

Leave a Reply

Your email address will not be published. Required fields are marked *