“М.Нарантуяад цочроо өгөх гэж хөхний даруулга ШИДСЭН”

#METOO хөдөлгөөний ерөнхий зохицуулагч, иргэн М.Нарантуяа руу хэсэг бүлэг эмэгтэйчүүд хөхний даруулга шидсэн үйл явдал болж өнгөрсөн. Уг асуудлыг Цагдаагийн байгууллага шалгаж эхлээд буй.

Харин хөхний даруулга шидсэн үйл явдалд оролцсон С.Оюун-Эрдэнэ хэвлэлд мэдээлэл өгсөн байна.

Тэрбээр, “Миний найз Б.Уянгахан бид хоёр М.Нарантуяатай ойрхон явж таарсан. Б.Уянгахан өмнө нь М.Нарантуяатай уулзаж байсан төдийгүй, хувийн шинжтэй асуудлуудтай юм билээ. Тиймээс уулзаж далдуур буруу зүйл хийж явааг нь эсэргүүцэж, ойлгуулах шаардлагатай гэж бодсон. Бид адилхан эмэгтэйчүүд учраас өөрсдөдөө авсан хөхний даруулгаа бэлэглэх гэж очсон.  МETOO хөдөлгөөнд эмэгтэйчүүд бид хэзээ ч нэгдэхэд бэлэн. Гэтэл тэр хөдөлгөөнийг санаачлагчдын нэг М.Нарантуяа нь уг хөдөлгөөнийг гажуудуулаад байх шиг.

Ийм хардах өнцөг бидэнд байсан тул сануулга өгөх гэж очсон. Гэтэл М.Нарантуяа таниагүй. Тиймээс бухимдаад, өгөх гэж очсон хөхний даруулгаа шидсэн юм. Харин тэнд байсан бусад эмэгтэйчүүдийг танихгүй. 

Иргэн Б.Сүндэрьяагийн ярьж буй зүйл баримт нотолгоогүй, нэг хүнрүү чиглэсэн үйлдэл байсан. Харин миний хувьд Ц.Анандбазар гэдэг хүнтэй “Сайн байна уу” гэх хэмжээний л танилын харилцаатай.