Гадаадад байшин авахын тулд бид хэдэн жил ажиллах шаардлагатай вэ?
Манай улсын дундаж цалингийн хэмжээ өнгөрөгч 3 дугаар сард 1 сая 200 мянга болж өссөн билээ. Энэ нь 419 доллартай тэнцэх юм. Тэгвэл бид энэ цалингаараа хэр удаан ажиллаж байж олон улсад дундаж үнэтэй байшин худалдан авах бол?
- Арканзас
Дундаж байшингийн үнэ 179.500 доллар бөгөөд бид дундаж цалингаасаа огт хэрэглэлгүй, ширхэг ч төгрөг дутаалгүй хураасан тохиолдолд 35 жилийн дараа хүрэхүйц мөнгө цуглуулж чадах аж.
- Охайо
Бид мөн л 35 жил хоол идэж, нийтийн тээвэрт ч мөнгө зарцуулалгүй хурааж байж уг байшинг авч чадах нь.
Айова
Дундаж байшингийн үнэ 180.000 доллар. Монгол мөнгөөр бараг л 600.000 сая төгрөгтэй тэнцэх аж. Тэгвэл бид дундаж цалингаа 36 жил хурааж байж энэ байшинг эзэмших бололтой.
- Мисссисипи
Миссисипи мужид байрлах хамгийн энгийн, хамгийн царай муутай байшин 188.000 долларын үнэтэй. Тэгвэл бид энэ байшинг худалдаж авахын тулд дундаж цалин болох 1.200.000 төгрөгөө 37 жил хураах шаардлагатай гэнэ.
- Мичиган
Тус мужийн дундаж үнэтэй байшин 191.000 доллартай тэнцэнэ. Тэгвэл энэ байшинг бид 37 жил 9 сар ажиллаж байж л авах юм байна.
- Индиана
Индиана мужийн тухайд ч мөн бид 39 орчим жил ажиллаад, цалингаасаа нэг ч төгрөг дутаалгүй хураавал хамгийн хямд төрлийн байшинг нь худалдан авч чадах нь.
- Кентакки
Кентакки мужид амьдрахын тулд 40 жил л цалингаа хураах шаардлагатай. Яагаад гэвэл энэ мужийн дундаж үнэтэй байшин 200.000 орчим доллар байдаг байна.
- Хойд Дакота
Та Хойд Дакотагийн хамгийн хямд байшинг 225.000 доллараар худалдаж авах боломжтой бөгөөд энэ нь та 1.200.000 төгрөгийн цалингаа 44 жил хураах шаардлагатай гэсэн үг.
П.Ундрах
