Барак Обама: Трамп бол шуналтай, ялгаваралан гадуурхагч новш

АНУ-ын ерөнхийлөгч асан Барак Обама 2017 онд “Сүнсний Төлөөх Тулаан: Ардчилалын дотор” номын зохиолч Эдвард Исаак Довертой хийсэн хаалттай яриандаа “Трамп муу хөгийн шуналтай, ашиг хонжоо шиншилсэн, арьс өнгө, хүйсээр ялгаварлагч” гэх үгүүдийг хэлсэн нь ил болжээ.

Энэ тухай тус номын зохиолч ил болгосон бөгөөд Guardian үнэн мөнийг нь бататган нийтлэсэн байна.

Хоёр ч удаа сонгогдон, бүх цаг үеийн хамгийн их ард иргэдэд хүлээн зөвшөөрөгдсөн ерөнхийлөгч Барак Обама тухайн үед ард түмнийхээ хийсэн сонголтод маш сэтгэл дундуур байгаагаа нуугаагүй ажээ. Улмаар “Трамп бол галзуу. Хөгийн гахай” гэх мэт үгсийг ч гамгүй хэлсэн байна.

Тэрээр “Би нөхцөл байдлыг ингэтлээ дордоно гэж бодоогүй. Бид ерөнхийлөгчийн суудалдаа гадуурхагч гахайг суулгачхаад байж байна гэж төсөөлөө ч үгүй.” гэж мөн хэлжээ.

Мэдээж Обама өмнө нь Трампыг нүүр нүүрээрээ тулан уулзахдаа ч шүүмжилж байсан удаатай. Өнгөрөгч ерөнхийлөгчийн сонгуулийн үр дүнд сэтгэл хангалуун бус байгаагаас гадна, гомдол зарга хүртэл хийгээд амжсан Трампыг тэрээр “Хэрвээ ялагдсан бол ялагдлаа хүлээгээд, Цагаан ордныг үг дуугүй орхих хэрэгтэй.” хэмээн өөрт нь хэлж байжээ.

Ташрамд дурдахад тухайн хий сенсацийг дэгдээхэд нь жагсаал цуглаан, эсэргүүцлийн үеэр хүний амь нас эрсдсэн тул Трампыг бүх цахим платформоос түтгэлзүүлж, ашиглах эрхийг нь хураагаад байсныг та бүхэн санаж байгаа бизээ. Тэгвэл үүнтэй холбоотойгоор Трамп өөрийн гэсэн блог сайт нээн нийтлэлүүдээ бичсээр байгаа бөгөөд тэднийг нь олон нийтийн сүлжээнд уламжлан нийтлээд байгаа хаягуудыг ч мөн устгуулж байгаа гэнэ.

Эх Сурвалж: www.complex.com