Нэг ч машинд QR код буюу зорчих зөвшөөрөл олгохгүй

Улсын Онцгой комисс өчигдөр хуралдаж, битүүний өдөр /2021.02.11-23 хүртэо  щбүх нийтийн өндөржүүлсэн бэлэн байдлын зэрэгт шилжих санал гаргасан. Цагаан сарын өдрүүдэд хатуу хөл хорио тогтоох саналыг Засгийн газрын хуралдаанаар эцэслэн батлах юм. Хөл хорионы үеэр замын хөдөлгөөнд хяналт тавьж, нэг ч автомашинд QR код олгохгүйг албаныхан мэдээллээ.

Нийслэлийн Мэдээлэл, технологийн газрын дарга О.Чинзориг “Хатуу хөл хорионы үеэр нэг ч автомашинд QR код хэвлэж олгохгүй” гэсэн бол  Шадар сайд С.Амарсайхан “Хатуу хөл хорионы үеэр улсын онцгой объект, зайлшгүй үйл ажиллагаа явуулах үйлдвэр, үйлчилгээний байгууллагын ажилтан, албан хаагчид ажлын газрын үнэмлэх зөвшөөрлөөр нийтийн тээврээр үйлчлүүлнэ.  Давхар хяналт тавина гэж ойлгох хэрэгтэй” гэлээ. 

Хүндэтгэн үзэх зайлшгүй шалтгаантай, эрүүл мэнд болон буяны ажилтай иргэдийг хатуу хянан шалгаж, Улаанбаатар хотоос гаргаж, оруулна. Мөн хоёрдугаар сарын 11-ний өдрөөс өмнө Улаанбаатарт байгаа орон нутгийн иргэдийг нутаг буцаах ажлыг зохион байгуулна” гэв.