ААН-үүдийн үйл ажиллагааг хязгаарласан хугацааг сунгах эсэхийг хэлэлцэнэ
Засгийн газрын ээлжит хуралдаан өнөөдөр болно. Хуралдаанаар аж ахуйн нэгжүүдийн үйл ажиллагааг хязгаарласан хугацааг сунгах эсэхийг хэлэлцэх юм. Цар тахлын нөхцөл байдалтай холбоотойгоор Засгийн газар өндөржүүлсэн бэлэн байдлын зэргийг зургаадугаар сарын 30-ныг хүртэл сунгаад буй.
Мөн УОК-оос хоол үйлдвэрлэл, үйлчилгээний газар танхимын болон гадна талбайн үйлчилгээг зургаадугаар сарын 17-ноос долоо хоногийн хугацаатай түр хориглосон. Амралт, жуулчны газрын үйл ажиллагааг мөн хугацаагаар хязгаарласан билээ. Хязгаарлалт тогтоогоогүй худалдаа, үйлчилгээний байгууллагын үйл ажиллагаа явуулах цагийн хязгаарыг 07:00-22:00 цаг хүртэлх хугацаагаар тогтоосон юм.
