Ангууч шагналын 50 сая төгрөгөө НҮБ-ын хүүхдийн байгууллагад хандивлав

“Одтой бүжиглэе” шоуны ялагч Б.Баттөр өчигдөр буюу зургаадугаар сарын хорин долоонд шагналын тавин сая төгрөгөө Нүб-ын хүүхдийн санд хандивлажээ.

Уг шагналын мөнгөн дээр Нүб-ын Хүүхдийн сангаас дахин тавин сая төгрөг нэмж “Өнөр Бүл” асрамжийн газарт бүрэн тохижуулсан Жюүжицү Бие хамгаалах спортын төвийг барих юм байна.

Харин энэ тухай шоуны ялагч Б Баттөр хэлэхдээ “Энэ санаачилга цаашид өргөжиж, өнчин болон хотын захын хорооллын хүүхдүүд бие хамгаалах урлагаар хичээллэх спортын заалтай болоосой гэж хүсэж байна” гэв.