УЯАЧИД: Монголчууд 100 жилийн түүхэндээ наадмаа тасалдуулж байгаагүй

Монголын морин спорт уяачдын холбооноос баяр наадмыг цуцлахыг эсэргүүцэж, Төв талбайд морьтойгоо ирж жагсаал хийж байна.

Монголын морин спорт, уяачдын холбооны ерөнхийлөгч Ц.Батсайхан ” Холбооноос уяачдыг санаатайгаар зохион байгуулж өдөөн турхирсан зүйл байхгүй. Бүтэн жилийн хүч, хөдөлмөрөө зориулсан уяачид маань өөрсдийн хүсэл зоригоор ирсэн.

Морин спорт, уяачдын холбооноос ч баяр наадмыг хойшлуулах саналаа эргэж харахыг хүсэж Засгийн газарт шаардлага хүргүүлээд байна. Уяачид, малчин түмэн 100 жилийн түүхэндээ наадмаа тасалдуулж байгаагүй.

Цар тахлын нөхцөл байдал хүндхэн байгаа ч наадам хойшлуулах сэдвээр далимдуулан өв уламжлал, морьтон түмний соёл руу дайрч байгаа гадаадын гар хөл бологсод байхыг үгүйсгэхгүй” гэлээ.