Х.Нямбаатар: 344 хоригдол маргаашаас чөлөөлөгдөнө

Хууль зүйн сайд Х.Нямбаатар Өршөөлийн хуулийн талаар мэдээлэл хийж байна. Уг хуулийг Баасан гарагт УИХ-ын чуулганаар баталсан юм.

Тэрбээр “Өршөөл үзүүлэх тухай хууль 5 бүлэг 13 зүйлтэй. Энэ хууль маргаашаас хүчин төгөлдөр үйлчилж эхэлнэ. Уг хууль нь 2017 оны зургаадугаар сарын 30-ны өдрийн 00:00 цагаас өмнө 2002 он баталсан Эрүүгийн хууль болон 2021 оны зургаадугаар сарын 24-ний өдрийн 00:00 цагаас өмнө 2015 онд баталсан Эрүүгийн хуульд заасан зарим гэмт хэрэг болон зарим зөрчил үйлдсэн хүн, хуулийн этгээдэд хамаарна.

38 төрлийн гэмт хэргийг өршөөлд хамруулаагүй. Өмнөх Өршөөлд үзүүлэх хуулийн дагуу хорих ялаас чөлөөлөгдөж, санаатай шийтгүүлсэн хүнийг энэ удаагийн хуульд хамруулахгүй.

Өршөөлд хамруулахгүй гэмт хэргийг хуульд тодорхой тусгасан. Хорих ангил ял эдэлж байгаа 157 эрэгтэй, гурван эмэгтэй нийт 160 хоригдол маргаашаас чөлөөлөгдөнө.

Эдлээгүй үлдсэн ялаас нь хоёр жил хасагдаж суллагдах 168 эрэгтэй, 16 эмэгтэй, өсвөр насны нэг нийт 184 хоригдол буюу нийт 344 хоригдол байгаа юм. Хоёр жил нь хасагдаж байгаа боловч хорих ялаа үргэлжлүүлэн эдлэх нийт 365 ялтан байна.

Тав ба түүнээс доош жилийн ялаар шийтгүүлсэн хоригдлуудын хорих ялыг зорчих эрхийг хязгаарлах ялаар солих эрэгтэй 1,086, эмэгтэй 41, өсвөр насны гурав нийт 1,130 хоригдол байна” гэлээ.

Замын хөдөлгөөний зөрчлийн торгуулиа аравдугаар сарын 1-ний дотор 50 хувиар төлсөн тохиолдолд үлдсэн 50 хувийг өршөөнө

 

Замын хөдөлгөөний зөрчлийн торгуулийг нэг удаа өршөөж байгаа нь бусад хуулиа биелүүлж байсан хүмүүст ялгамжтай байдал үүсгэж байна гэсэн бухимдал гарч байна. Хэлэлцүүлгийн шатанд торгуулийн шийтгэлийг энэ оны аравдугаар сарын 1-ний дотор 50 хувиар төлсөн тохиолдолд үлдсэн 50 хувийг нь өршөөх тухай хуульд заасан.

Зөрчлийн болон Зөрчил шалган шийдвэрлэх хуулийг энэ оны аравдугаар сард УИХ-ын чуулганы хуралдаанаар хэлэлцүүлэхээр өргөн барихаар бэлтгэж байна. Энэ хуулийн агуулга нь зарим төрлийн зөрчилд сануулах урьдчилсан үе шаттай болж байгаа.

Мөн торгуулиа хугацаанд нь төлсөн тохиолдолд 50 хувиар хөнгөлөх зохицуулалтыг шинэ Зөрчлийн тухай хуулиар оруулж ирж байгаа. Үлдээд байгаа зөрчлийн шийтгэлээ цаг хугацаанд нь төлж бүгд хууль дүрмээ барьдаг эрх зүйн орчин үүсэх гэж байгаа юм” гэв.

Similar Posts

0 0 Санал
Үнэлгээ
Бүртгүүлэх
Мэдэгдэх
guest
0 Сэтгэгдэл
Inline Feedbacks
View all comments