Э.Бат-Үүл унасан ч Н.Батшугарын дээр үү?
УИХ-ын сонгуулийн 18-р тойрог буюу Хэнтий аймаг, 28-р тойрог буюу Сонгинохайрхан дүүрэгт ирэх аравдугаар сарын 10-ны өдөр нөхөн сонгуулийн санадл хураалт болно. Хуулийн дагуу нам эвслүүд өчигдөр нэр дэвшигчдээ эцэслэн тодруулж, баталгаажуулсан.
Ингэснээр Сонгинохайрхан дүүргийн 28 дугаар тойрогт
- МАН-аас Н.Батшугар
- АН-аас Э.Бат-Үүл
- ХҮН-аас Б.Найдалаа
- Эрх чөлөөг хэрэгжүүлэгч намаас Ш.Төмөрсүх
- ИЗНН-аас Ш.Гантулга
- Үнэн Ба Зөв Намаас А.Отгонбаатар нар дэвшиж байна.
Харин Хэнтий аймаг буюу 18-р тойрогт
- МАН-аас И.Идэрбат /Хэнтий аймгийн Засаг дарга/
- АН-аас Б.Гарамгайбаатар нарыг тус тус нэр дэвшүүлээд байгаа.
Нэр дэвшигчид энэ есдүгээр сарын 6-нд СЕХ-д нэр дэвшигчийнхээ материалыг хүргүүлж, есдүгээр сарын 18-наас сонгуулийн сурталчилгаа албан ёсоор эхэлж 21 хоног үргэлжлэх юм.
Нөхөн сонгуулийн сонирхолтой өрсөлдөөн СХД-ийн 28-р тойрогт өрнөх нь. Учир нь энэ тойрогт 2 удаа нэр дэвшээд хамраараа таслуулж ялагдсан Н.Энхбаярын хүү Н.Батшугар, насаараа улстөрд чанагдсан Э.Бат-Үүл нар өрсөлдөнө.
Н.Батшугар МАН гэх том намын нэр нөлөөнд найдаж буй. Түүнд давуу тал бага ч МАХН-ыг дэмжигчид, МАН-ын суурь хөл нь сайн үйлчилбэл гараад ирэх магадлалтай. Харин Э.Бат-Үүлийн тухайд улстөрийн туршлага, үзэж туулсныг нь өрсөлдөгчтэй нь харьцуулах зохимжгүй. Олон нийтийн зүгээс ч “Э.Бат-Үүл, АН унасан ч Н.Батшугарын дээр” гэх хандлагыг илэрхийлсээр байна.
