Ковид19 туссан хүн болгоныг эмнэлэгт ХЭВТҮҮЛЭХГҮЙ

Өчигдөр УОК-оос мэдээлэл  хийж цаг  үеийн нөхцөл байдалд тохируулан авах арга хэмжээг танилцуулсан.  Эрүүл мэндийн сайд  С.Энхболд эмнэлэгт халдвартэй иргэдийн хүнд, хөнгөнөөр эрэмбэлж, нэн шаардлагатай хүмүүстээ ор гарган эмчлэхээ мэдэгдсэн.

Эрүүл мэндийн салбарын нөхцөл байдал хүндэрч ачаалал таазандаа тулсан тул эрэмбэлэн ангилахаас аргагүй байгаа аж.  Улсын хэмжээнд үндсэн тусламж үйлчилгээ болон сувиллын эмчилгээ нийлээд 27.083 ор байгаагаас  өнөөдрийн байдлаар  21,700 орыг зөвхөн  КОВИД-ын тусламж үйлчилгээ үзүүлэхэд ашиглаж байна.

• Орон нутгийн хэмжээнд үндсэн тусламж үйлчилгээний 46%-ийг
• Улаанбаатарт 50.3%-ийг
• Дүүргийн нэгдсэн эмнэлгийн 76% нь зөвхөн КОВИД-ын тусламж үзүүлж  үйлчилгээ эзэлж байгаа аж.

Тиймээс  ор, тусгаарлах байр нэмж дэлгэх боломжгүй,  ажиллах   хүний нөөц хомсдолтой  байгааг хэллээ.  Цаашид бид халдвар авсан иргэдээ биеийн байдлаар нь эрмбэлэн ангилалтыг нарийн зохион байгуулах тушаал гарчээ.

Үүнд

• Жирэмсэн
• Хүүхэд
• Архаг суурь өвчтэй
• 60-аас дээш насны иргэдээ эмнэлэгт авахаар зохион байгуулж байна.