СЭРЭМЖЛҮҮЛЭГ: Сум алдаж 10 настай хүүгийн амь насыг хохироожээ

Архангай аймгийн нутаг дэвсгэрт “10 настай эрэгтэй хүүхэд буудуулж нас барсан” гэх дуудлага  2021 оны 10 дугаар сарын 13-ны өдрийн 22.55 цагт цагдаагийн байгууллагад иржээ.

Цагдаагийн байгууллага   хэргийн газар очиход    10 настай эрэгтэй Х-г  түүний төрөл садангийн 38 настай эрэгтэй Д гэгч нь сум алдаж амь насыг нь хохироосон байж болзошгүй нөхцөл байдал урьдчилсан байдлаар тогтоогдсон байна. Холбогдох шалгалтын ажиллагааг Архангай аймаг дахь цагдаагийн газар үргэлжлүүлэн явуулж байна.