СХД-ийн Нэгдсэн эмнэлэг эмч, ажилчдадаа нэг удаагийн тэтгэмж олгон, цалинг 15 хувиар нэмжээ
Сонгинохайрхан дүүргийн Нэгдсэн эмнэлэг эмнэлэгийн эмч, ажилчиддаа 1.4 сая төгрөгийн нэг удаагийн тэтгэмж олгожээ.
Энэ талаар СХД-ийн Нэгдсэн эмнэлгийн албаны дарга Д.Зулаа :
“Манай эмнэлэг нийгмийн асуудлынхаа хүрээнд Засгийн газар болон Эрүүл мэндийн яамны шийдвэрийн дагуу нийт ажилчдадаа 1.4 сая төгрөгийн нэг удаагийн тэтгэмж олгосон. Мөн “Улаан бүс”-д ажиллаж байгаа эмч нар болон яаралтай тусламж, хүлээн авах тасгийн эмч нарын цалинг 15 хувиар нэмэгдүүлэх болсон. Цаашдаа ч нийт ажилчдынхаа цалинг шат дараатай нэмэх бодлоготой ажиллаж байна” гэв.
Түүнчлэн тус эмнэлэгт Ковид-19 цар тахлаас сэргийлэх вакциныг харьяалал харгалзахгүй хийж байна. Тиймээс томуугийн улирал эхэлсэн энэ үед иргэд та бүхэн халдвараас урьдчилан сэргийлж, коронавирусийн эсрэг вакцины гуравдугаар тунд идэвхтэй хамрагдахыг уриалж байна.
