Э.Одбаярыг СУЛЛАХ шийдвэр гаргажээ
“Nodoublestandart” иргэдийн хөдөлгөөний тэргүүн Э.Одбаярыг аравдугаар сарын 6-наас хойш хорьж буй. Түүнийг “Батлан даалтанд байх хугацаандаа дахин хэрэгт холбогдсон” гэх үндэслэлээр нэг сар хорих шийдвэрийг шүүхээс гаргасан. Харин Э.Одбаяр үндэслэлгүйгээр хэрэгт холбогдуулан яллагдагчаар татсаныг эсэргүүцэж, нойтон өлсгөлөн зарлаад 18 хонож байгаа юм.
Энэ хугацаанд Э.Одбаярын бие муудаж, бөөрний дутагдалд орсон гэх оноштойгоор хорих ангийн эмчийн хяналтад байгааг түүний өмгөөлөгч Ч.Мөнхсайхан мэдэгдсэн. Харин ШШГЕГ-ын зүгээс Э.Одбаярыг 11.8 кг турсан, зүрхний цохилт 100, эмнэлэгт хэвтэн эмчлүүлж байгаа гэж мэдээлсэн юм. Тэгвэл эрүүл мэнд нь ноцтой байдалд орсон Э.Одбаярыг өнөөдөр түүнийг суллах шийдвэрийг шүүхээс гаргажээ.
