Үүргээ гүйцэтгэж байсан цагдаагийн алба хаагчийг мөргөж гэмтээсэн зам тээврийн осол гарлаа

Өнөөдөр /2021.11.07/ үүргээ гүйцэтгэж замын хөдөлгөөнийг зохицуулж байсан цагдаагийн алба хаагчийг мөргөсөн зам тээврийн осол гарлаа. Ослын улмаас цагдаа гэмтэж биеийн байдал нь хүнд байгаа аж.

Замын хөдөлгөөний дүрмийн 8.13-т зохицуулагчийн биет зохицуулалт хийж байгаа үед хөдөлгөөнд оролцогч нар зохицуулагчийн биет зохицуулалтаар хөдөлгөөнд оролцохоор заасан.

Тиймээс түгжрэл сааталтай энэ цагт цагдаагийн алба хаагч та бүгдийг аюулгүй зорчуулахын төлөө үүрэг хүлээн ажиллаж байгаа гэдгийг анзаарч харахыг Тээврийн цагдаагийн албанаас анхаарууллаа.