40 насандаа хайраа олсон Парис Хилтоны хуримын сонин хачин
Дэлхий даяарх сая сая хүнд танигдсан алдартай хүмүүст жинхэнэ хайраа олно гэдэг амаргүй сорил болдог нь гарцаагүй байх. Гэвч энэ удаа Пэрис Хилтон жинхэнэ хайраа олж 40 насандаа хуримаа хийж түүний хайрын эрэл дуусгавар болов.
Пэрис Хилтон, Картер Реум нар одоогоос хоёр жилийн өмнө 2019 оноос хойш үерхсэн. Хосууд сүй тавьсан талаараа 2021 оны хоёрдугаар сард олон нийтэд ил зарлаж байсан билээ. Хэдийгээр Хилтон урьд өмнө дөрвөн ч удаа сүй тавьж байсан түүхтэй боловч энэ удаагийнхыг үүрдийнх байгаасай гэж найдах олон хүн байсан юм.
Пэрис Хилтоны нөхөр Картер Реум хэдийгээр олны танил биш ч Холливудтай гүн гүнзгий холбогдсон хүн юм. Өдгөө 38 настай, амжилттай яваа бизнес эрхлэгч Реум ахтайгаа хамтран VEEV Spirits гэх байгалийн гаралтай архины брэндийг үүсгэн байгуулж, 2016 онд хөрөнгө оруулалтын M13 фирмдээ төвлөрөн ажиллажээ. Тэдний компани байгуулагдсан цагаасаа хойш Lyft, Classpass, Snapchat, Pinterest зэрэг томоохон компаниудад хөрөнгө оруулалт хийж, өсөж дэвшихэд нь нөлөөлсөн байна.
