“The HU” хамтлагийнхан мисс А.Бөртэ-Үжинд цор ганц цомгоо бэлэглэжээ

“Дэлхийн мисс-2021” тэмцээнд Монгол Улсаа төлөөлөн А.Бөртэ-Үжин оролцож байгаа. Тэгвэл “The HU” хамтлагийнхан А.Бөртэ-Үжинийг дэмжиж, цор ганц үйлдсэн гарын үсэгтэй пянзаа хандивын дуудлага худалдаанд бэлэг болгон өгсөн байна.

Дэлхийн миссийн олон нийтийн саналын шалгаруулалт эхэлсэн бөгөөд түүнийг дэмжихийн тулд утсандаа “Mobstar” аппликейшныг татаж, мэйл хаяг эсвэл фэйсбүүкээрээ нэвтрэн “Search people” хэсгээс “Burteujin Anu” гэж хайн оруулсан зураг бүрт од дарснаар олон нийтийн саналаар шилдгийн тоонд орох боломжтой юм.

Одоогоор “Mobstar” дээрх олон нийтийн санал асуулгаар 12 дугаар байрт явж байгаа юм. Манай улсын оролцогчдын хувьд өмнө нь гурван удаа олон нийтийн саналаар шилдгүүдийн тоонд орж байсан билээ.