“Baby Shark” Youtube-ийн хамгийн их үзэлттэй видео боллоо

 Хүүхдүүдийн үзэх дуртай, эцэг эх бүрийн аманд аялагддаг “Baby Shark” нь YouTube дээр 10 тэрбум үзэлтийн шинэ амжилтыг үзүүллээ.

“Baby shark” нь тус платформ дээр хамгийн олон үзэлттэй буюу 10 тэрбум хандалттай цор ганц видео боллоо гэж YouTube CNN-д мэдээллэсэн байна.

Өмнөд Солонгосын компани Pinkfong-ийн санаачилгаар солонгос гаралтай Америк дуучин Хоуп Сегойн дуулсан тус дуу нь 2016 онд анх гарч, Ази тивд хит болж байсан ч 2019 он хүртэл Америкчуудын хараанд өртөөгүй байв. 2019 оноос хойш “Baby shark” дууг дэлхий даяар сонсож, хүүхэд бүр даган дуулж бүжиглэх болсон билээ.