“АРХИДАЛТ БА ОСОЛ ГЭМТЭЛ” сэдвээр 14 хоногийн аян зохион байгуулж байна
Монгол Улсын Засгийн газрын 2001 оны 224 дүгээр тогтоолын дагуу жил бүр зохион байгуулдаг “Осол гэмтлээс сэргийлэх” 14 хоногийн аяны хүрээнд ГССҮТөв энэ жил “АРХИДАЛТ БА ОСОЛ ГЭМТЭЛ” сэдвээр зохион байгуулж байна. ГССҮТ-ийн статистик тоо мэдээгээр 2021 онд Хүлээн авах яаралтай тусламжийн тасгаар нийт 112158 хүн гэмтэж тусламж үйлчилгээ авсны 6899 хүн архи согтууруулах ундаа хэрэглэсэн үедээ бэртэж, 52 хүн нас барсан байна.
Иймд архи, согтууруулах ундааны хэрэглээг иргэдийн дунд бууруулах, эрүүл мэнд, эдийн засаг, нийгэмд үзүүлэх хор уршиг, осол гэмтлийг бууруулахаар “АРХИДАЛТ БА ОСОЛ ГЭМТЭЛ” сэдвээр тус аянг зохион байгуулж байна.
