“Богд Зонхова” цогцолборын төсвийг ахмад настнуудын тэтгэврийг нэмэхэд зарцуулахаар боллоо

“Богд Зонхова” цогцолборын төсвийг ахмад настнуудын тэтгэвэрт нэмэхэд зарцуулахаар боллоо. Энэ талаар Соёлын сайд Ч.Номин: 

“Түүх, шашны соёлыг дэлгэрүүлэх “Богд Зонхова” цогцолборын төслийг миний бие цаг үеэ олоогүй гэж үзсэн учраас зориулалтыг өөрчлөх саналаа Засгийн газарт хүргүүлсэн байсан. Саналыг өнөөдөр Засгийн газрын ээлжит бус хуралдаанаар хэлэлцээд цогцолборын төсвийг ахмадуудын тэтгэврийг нэмэхэд зарцуулахаар шийдвэрлэлээ.

“Богд Зонхова” төсөлтэй адил тэвчиж болох бүхий л хөшөө, дурсгалыг мөн царцааж, ахмад настнуудын тэтгэвэр, тэтгэмжийг үе шаттай нэмэгдүүлэхийг Засгийн газрын гишүүд бүрэн дэмжлээ” гэж мэдээллээ.