МСНЭ-ийн Ерөнхийлөгчид хэн хэн өрсөлдөх вэ?

“Монголын Сэтгүүлчдийн нэгдсэн эвлэл”  ГҮТББ-ын Удирдах зөвлөл хуралдаж, Бага хурлаа хоёрдугаар сарын 17-нд хийхээр зарлажээ. Бага хурлаас МСНЭ-ийн XVIII Их хурлыг 30 хоногийн өмнө зарлах дүрэмтэй.

XVIII Их хурлаар бүрэн эрхийн хугацаа нь маргааш дуусч буй МСНЭ-ийн ерөнхийлөгч, Бага хурлын 61 гишүүн, Хяналтын зөвлөлийн гишүүдийг сонгох, чөлөөлөх, тэдний тайланг сонсдог.

Шинээр сонгогдсон Бага хурлын гишүүд МСНЭ-ийн 8 дэд Ерөнхийлөгч,  Удирдах зөвлөлийн гишүүдийг сонгодог дүрэмтэй. 2018 оны хоёрдугаар сарын 8-нд баталсан энэхүү дүрмийг өөрчлөх эсэхийг мөн л Их хурлаар хэлэлцэх боломжтой.

Тэгвэл МСНЭ-ийн дараагийн Ерөнхийлөгчид хэн өрсөлдөх  вэ гэдэг анхаарал татаж буй. Горилогчдын нэрсийг албан ёсоор зарлаагүй ч салбарынхан дунд дараах 5 хүнийг өрсөлдөнө гэх  мэдээлэл  байгаа юм. Тодруулбал:

• УИХ-ын даргын Ажлын албаны Парламентын сурталчилгаа, мэдээллийн төвийн дарга Л.Нинжжамц
• МСНЭ-ийн ерөнхийлөгчийн түр орлон гүйцэтгэгч З.Боргилмаа
• МСНЭ-ийн гүйцэтгэх захирал Э.Болортулга
• МҮОНРТ-ийн Үндэсний зөвлөлийн гишүүн Д.Оюун-Эрдэнэ
• Парламентын сэтгүүлч М.Батхишиг нарын 5 хүн  өрсөлдөнө гэх мэдээлэл байна.