БШУЯ-ны сайд Л.Энх-Амгалан өнөөдөр орой ЕБС-ийн сурагчдын эцэг эх,асран хамгаалагчидтай онлайн уулзалт хийнэ
Өчигдөр Засгийн газраас бүх шатны боловсролын байгууллагын хичээл хоёрдугаар сарын 14-ний Даваа гарагт 100 хувь танхимаар хичээллэж эхлэх шийдвэр гаргасан билээ.
Үүнтэй холбогдуулан Боловсрол, шинжлэх ухааны сайд Л.Энх-Амгалан өнөөдөр /2022.01.10/ ЕБС-ийн сурагчдын эцэг эх, асран хамгаалагчидтай онлайнаар уулзалт хийхээр болжээ. Онлайн уулзалт өнөөдөр орой 19:00 цагт болно хэмээн тус яамнаас мэдээлэв.
Уулзалтад Ерөнхий боловсролын сургуульд сурдаг хүүхэдтэй бүх аав, ээж оролцох боломжтой юм.
Боловсрол, шинжлэх ухааны сайд хичээлийн хоцрогдлын түвшин аль ангид ямар хэмжээнд хүрсэн, ямар хичээлийн аль агуулга дээр анхаарах шаардлагатай, сургалтын үйл ажиллагаанд эцэг эх, асран хамгаалагчдын оролцоо, сурагчдад аав ээжийнх нь үзүүлэх сэтгэл зүйн дэмжлэг гээд олон чухал асуудлаар санал солилцох аж.
Онлайн уулзалтад сургууль бүрийн эцэг, эхийн зөвлөл ZOOM холболтоор оролцох бол бусад асран хамгаалагчид
https://www.facebook.com/MinistryofEdu
https://www.facebook.com/LEnkhamgalan
https://www.facebook.com/education.agency.mongolia хаягаар дамжуулан фэйсбүүк шууд дамжуулалтыг хүлээн авах, сэтгэгдэл хэсэгт асуултаа илгээх боломжтой.
Дараагийн ээлжид Боловсрол, шинжлэх ухааны сайд цэцэрлэгийн насны хүүхэдтэй эцэг эх, асран хамгаалагчидтай уулзалт зохион байгуулахаар төлөвлөжээ.
