Д.Кёкүшюзанбатбаяр, Т.Баясгалан нарт холбогдох хэргийн шүүх хуралдааныг дахин хойшлуулжээ

Д.Кёкүшюзанбатбаяр нарт холбогдох хэргийн гэм буруугийн шүүх хуралдаан өнөөдөр буюу  хоёрдугаар сарын 10-ны 10:00 цагт товлогдсон байв.

Гэвч гэрч Ц.Энхтөр шүүх хуралдаанд ирээгүй, иргэний нэхэмжлэгчийн өмгөөлөгч С.Эрдэнэсувд хүндэтгэн үзэх шалтгааны улмаас шүүх хуралдаанд ирээгүй байна. Тиймээс  шүүх хуралдаанд оролцвол зохих талуудыг оролцуулах шүүх хуралдааныг 2022 оны хоёрдугаар сарын 28-ны өдрийн 10:00 цаг хүртэл хойшлуулжээ.

Харин шүүгдэгч нарт урьд авсан хувийн баталгаа гаргах таслан сэргийлэх арга хэмжээ болон Монгол Улсын хилээр гарахыг хязгаарлах хязгаарлалт тогтоох таслан сэргийлэх арга хэмжээг хэвээр үргэлжлүүлэв.

Эх сурвалж: Баянгол, Хан-Уул, Сонгинохайрхан дүүргийн Эрүүгийн хэргийн анхан шатны шүүхийн Тамгын газар