СЭРЭМЖЛҮҮЛЭГ: Шороон шуурганы улмаас гэр нурж, байшингийн дээвэр хууларчээ

Говь-Алтай аймагт хүчтэй шороон шуурганы улмаас гэр нурж, байшингийн дээвэр хууларчээ. Тодруулбал, тус аймгийн Цээл сумын Дэрстэй багийн “Хавчигийн-Ус” гэдэг газарт өчигдөр 19:00-20:00 цагийн хооронд 20-28 метр секундийн түр зуурын хүчтэй шороон шуурга шуурсан байна. Шуурганд малчин А-ийн дөрвөн ханатай гэр нурсан тухай мэдээлэл өнөөдөр 07:48 цагт Онцгой байдлын албанд иржээ. Сумын Засаг даргын Тамгын газраас гаргасан ажлын тухайн газарт очиж, нөхцөл байдалтай танилцжээ.

Мөн Говь-Алтай аймгийн Алтай сумын Бадрал багийн “Зөөлөн” гэдэг газар 20:00 цагийн орчим 18-24 метр секунд хүчтэй шороон шуурга шуурсны улмаас агуулах, байр нурсан тухай дуудлагыг Онцгой байдлын албанд ирсэн.

Шуурганд “Улз дриллинг” ХХК-ийн агуулах болон халуун усны дээвэр нуржээ.

Эх сурвалж: Онцгой байдлын ерөнхий газар