Д.Кёкүшюзанбатбаяр, Т.Баясгалан нарыг дөрөв дэх өдрөө шүүж байна

Даваагийн Кёкүшюзанбатбаяр, Түвшинжаргалын Баясгалан нарын гэм буруугийн шүүх хурал энэ сарын 28-ны өдөр Баянгол, Хан-Уул, Сонгинохайрхан дүүргийн Эрүүгийн хэргийн анхан шатны шүүхэд эхэлсэн.

Шүүх хурал гурван өдөр хэлэлцүүлгээр үргэлжилж, өчигдөр оройн 22.00 цагт завсарласан. Уг хурал өнөөдөр дөрөв дэх өдрөө үргэлжилнэ.

Хэргийг сануулбал, Д.Батбаяр болон түүний эхнэр Т.Баясгалан нарыг Эрүүгийн цагдаагийн албанаас шалгаж, тэднийг өөрсдийн болон хамаарал бүхий хүмүүсийнхээ нэр дээр байгуулсан хэд хэдэн компаниар дамжуулан, дархан цаазат Богд хан ууланд болон Яармагийн дэнжид их хэмжээний газар авч, зориулалтын дагуу ашиглаагүй, орон сууцны хороолол барьсан, байгаль орчинд нөлөөлөх байдлын нарийвчилсан үнэлгээ хийлгээгүй болохыг тогтоосон байдаг.

Х.САРУУЛ