“Эрдэнэт үйлдвэр” ТӨҮГ: Баяжуулах үйлдвэр саналын системийн оролцоог 50 хувьд хүргэнэ

Баяжуулах үйлдвэрийн ажилтнууд саналын системд 2005 оноос хойш нийт 15777 санал гаргаж, ажлын чанар сайжруулах,  хөдөлмөр  хөнгөвчлөх, эрчим хүч хэмнэх, технологийн найдвартай ажиллагааг хангах, ажлын байрны орчин нөхцөл сайжруулах, эрсдэл бууруулах чиглэлээр ажиллажээ.

2021 онд нийт ажилтны  47.4 хувь буюу 551  ажилтан саналын системд оролцож, санал санаачилга гаргасан нь 2005 оноос хойш хамгийн өндөр үзүүлэлт байв. 2022 онд  энэ тоог  нэмэгдүүлэн  нийт ажилтны  50 хувийн оролцоотой байх зорилт дэвшүүлжээ. 2021 онд гаргасан саналын 63.4 хувь буюу 1244 саналыг  хэрэгжүүлжээ.

Энэ  оны 2-р сарын 22-ны байдлаар  87 ажилтан 210 санал гаргасан байна. Үүний 75 хувийг  ажилчид, 25 хувийг инженер техникийн ажилтнууд гаргасан байна. Бүтээмж чанарын дугуйлангийн  явцын үнэлгээ хийгдэж байна.  Одоогоор  69 дугуйлангаас 46 төсөл, 65 жижиг сайжруулалтын ажил хэрэгжүүлэхээр бүртгүүлсэн байна.