Цахим эмч Б.Баярбямба: Кофены сүү нь үнэндээ химийн нэмэлтүүд хийсэн транс тос
Цахим ертөнцөд цахим эмч хэмээн алдаршсан Б.Баярбямба өөрийн цахим хуудаст дараах мэдээллийг оруулжээ. Тэрбээр:
“Бид “Кофены сүү” гэж бодож хэрэглэдэг бүтээгдэхүүн бий. Энэ нь үнэндээ цэвэр сүүний найрлага байхгүй харин глюкоз фруктозны сироп, транс тос, сүүний үнэр амт оруулагч химийн нэмэлтүүд хийсэн хиймэл бүтээгдэхүүн юм. Энэ бүтээгдэхүүний олон улсын нэршил нь “Non Dairy Creamer” гэдэг. Орчуулбал “Сүүн бус крем” гэсэн нэршил. Манайд энэ бүтээгдэхүүнийг “Хуурай сүү” гэж шошголж худалдаалдаг нь хэрэглэгдчийг төөрөгдүүлж транс тос хэрэглүүлж байгаа үйлдэл юм.
Энэ асуудлыг “Хүнсээ Шинжлүүлье!” групп анхаарч мэдээлэл түгээх болно” гэжээ.
О.ЖАГАР
