Орхон сумын Засаг дарга бусдын гарт амиа алдсан байж болзошгүй
Булган аймгийн Орхон сумын Засаг дарга иргэн Б бусдын гарт амиа алдсан байж болзошгүй хэрэг энэ сарын 4-ний өдөр гарчээ. Засаг дарга Б-ийн цогцосыг тухайн өдрийн үүрийн 06.00 цагийн орчим олсон байна.
Энэ талаар ЦЕГ-ын Хэвлэл мэдээллийн төвийн ахлах мэргэжилтэн н.Эрдэнэхишиг “Талийгаач иргэн Б нь 43 настай. Урьдчилсан байдлаар архи согтууруулсан ундаа хэрэглэсэн байж болзошгүй гэсэн дүгнэлт гарсан.
Одоогийн байдлаар хэрэг мөрдөн байцаалт, шалгалтын үйл явц үргэлжилж байна. Энэ хэрэгтэй холбогдуулж ЦЕГ-ын тусгай субъектийн үйлдсэн гэмт хэрэг мөрдөн шалгах хэлтэстэй хамтран шалгаж байна. Мөн тухайн сумын дэлгүүр ажиллуулагч, иргэн Б-г шалгаж байна” гэх мэдээлэл өглөө.
ivoice.mn
