МИАТ компани Турк улс руу шууд нислэгээ өнөөдөр эхлүүллээ
Үндэсний агаарын тээвэрлэгч МИАТ ТӨХК-ийн Бүгд Найрамдах Турк Улсын/БНТУ/ Истанбул хотын чиглэлд анхны шууд нислэгийн агаарын хөлөг өнөөдөр 08:15 цагт Хөшигийн хөндий дэх “Чингис Хаан” олон улсын нисэх буудлаас хөөрлөө.
МИАТ компани Европын чиглэлд нислэгийн сүлжээгээ өргөжүүлэх, зах зээлээ тэлэх зорилгоор БНТУ-ын Истанбул хотын чиглэлд үйлдэх шууд нислэгээ ийнхүү эхлүүллээ.
Истанбул хотын нислэг нь долоо хоног бүрийн Лхагва гарагт үйлдэгдэх бөгөөд STOREPAY аппликэйшн ашиглан нислэгийн тийзээ ямар ч хүү, шимтгэл, нэмэлт төлбөргүйгээр хуваан төлөх боломжтой гэв.
Эх сурвалж: МИАТ ТӨХК
