IPS: Монгол ОХУ-ын харилцаа хутганы ир дээр тогтдог

International Politics and Society” сэтгүүл Монгол, ОХУ-ын харилцааг хутганы ир дээр тогтдог хэмээжээ. Тус нийтлэлд Украины дайн олон монголчуудыг улсынх нь ОХУ-тай үүсгэсэн эдийн засаг болон түүхэн холбооны үр дагавар ямар байх бол хэмээн эмээхэд хүргэх болсон талаар бичсэн байна.

Мөн тэрхүү нийтлэлд “Монгол Улсын засгийн газар ОХУ-тай харилцаа холбоогоо бататган дэд бүтцийн хөгжүүлэлтийн тал дээр тохиролцоонд хүрж, Украины асуудал дээр ОХУ-ыг буруушаахаас түдгэлзэж ирсэн. Украиныг дэмжиж жагсаал хийсэн монголчуудыг цагдаа нар дарах гэж оролдсон хэдий ч энэ нь жагсаалыг илүү өргөн цар хүрээтэй болгоход хүргэсэн” гэсэн байна Ийнхүү “IPS” сэтгүүл одоогийн нөхцөл байдалд Монгол Улс гадаад бодлогоо маш болгоомжтой явуулах хэрэгтэй болсон агуулга гарган нийтлэл бичжээ.