Жагсагчдын шаардлагын дагуу Засгийн газар хуралдана
Засгийн газар өнөөдөр ээлжит бусаар хуралдахаар болжээ. Хуралдаанаар ард иргэдийн хүсэлт, шаардлагыг хэлэлцэх юм.
Тодруулбал, жагсаалд оролцсон ард иргэдийн төлөөлөл, залуус бараа бүтээгдэхүүний үнэ, татварын хэмжээг бууруулах, цэцэрлэгийн хүртээмжийг нэмэх, бүгд тэгш эрхтэй байх, ханшийн алдагдлыг барих, УИХ-ын гишүүд хэмнэлтээ өөрсдөөсөө эхлэх гэх мэт нийт 25 шаардлагыг хүргүүлээд буй.
Ерөнхий сайд Л.Оюун-Эрдэнэ төв талбайд жагсагчидтай уулзахдаа “Яг өнөөдрийн жагсаалаас гарсан шаардлагыг хүлээж аваад зөвхөн тэр шаардлагын төлөө Засгийн газар хуралдана. Үүнд иргэдийн төлөөллийг оролцуулна” хэмээн амласан.
