ЦЕГ: Төв талбай хавиар сүлжээ унагаагч ашиглаагүй

Өргөн хэрэглээний барааны үнийн хөөрөгдөл, нийгмийн тэгш бус байдлыг эсэргүүцэж жагссан иргэдтэй Ерөнхий сайд Л.Оюун-Эрдэнэ өнөөдөр /2022.04.08/ Төв талбайд биечлэн уулзаж байна. Энэ үеэр хэвлэл мэдээллийн хэрэгслүүдийн шууд дамжуулалтын явцад сүлжээ унаж, дамжуулах боломжгүй нөхцөл байдал үүсээд байна.

Энэ асуудалтай холбогдуулан төв талбай чиглэлд сүлжээ унагагч ашиглаж байна гэх мэдээлэл цахим сүлжээнд тархаад буй. ЦЕГ-ын хэвлэл мэдээллийн төвөөс тодруулахад “Сүлжээ унагагч биш бөгөөд цагдаагийн байгууллага байрлуулсан хяналтын камертаа засвар, тохиргоо хийж байгаа” гэх тайлбарыг өгөв.

Т.ТҮШИГ