Олон нийтийн сүлжээнд хуурамч бичлэг цацсан “Ehlel Brand”-д зөрчлийн хэрэг нээж, шалгаж эхэллээ

“Ehlel” брэндийн салбар дэлгүүрийг хэсэг залуус дээрэмдэж, ажилтны биед халдаж байна гэсэн мэдээлэл цахим орчинд тархаад буй. Уг асуудлаар тус компанийн захирал цахим хуудастаа мэдээлэхдээ маркетингийн ажлын нэг хэлбэр байсан гэх тайлбарыг бичсэн. Тэгвэл Эрүүгийн цагдаагийн албанаас холбогдох хүмүүсийг шалгахаар дууджээ.

Одоогийн байдлаар Чингэлтэй дүүргийн нэгдүгээр хэлтэст зөрчлийн хэрэг нээн шалгаж байгаа аж.