Япон улс Украинд хоол хүнс, эм хүргэнэ
Японы Ерөнхий сайд Фүмио Кишида Украины Ерөнхийлөгч Владимир Зеленскийтэй ярихдаа Украинд аль болох хурдан тусламж үзүүлэхээ амлажээ.
Япон улс Украинд үзүүлэх санхүүгийн тусламжаа 300 сая ам.доллар болгон нэмсэн байна. Украины талаас хүссэн хоол хүнс, эм, амны хаалт болон химийн хамгаалалтын хувцсыг аль болох хурдан хүргэх аж.
Тэгвэл Энэтхэг улс Украины дүрвэгчдэд зориулсан хүмүүнлэгийн ачаа тээш бүхий Японы онгоцыг хүлээж авахаас татгалзсан байна.
