“Худалдагч охин” кино “New York Asian Film Festival 2022”-д албан ёсоор шалгарлаа
Найруулагч Ж.Сэнгэдоржийн “Худалдагч охин” киноны гол дүр, залуу жүжигчин Б.Баярцэцэг “2022 Osaka Asian Film Festival”-аас шилдэг эмэгтэй жүжигчин шагнал хүртсэн билээ. Тус уран бүтээл дөнгөж саяхан “New York Asian Film Festival 2022”-д албан ёсоор шалгарчээ.
Нью-Йоркийн Азийн Кино Сангаас жил бүр зохион байгуулдаг уг наадам Ази, Америкийн кино урлагт гүүр болох зорилготой. Наадам 7 сарын 15–28ны хооронд Линкольн төвд зохион байгуулагдах ба энэ онд 20 жилийн ойгоо тэмдэглэж байгаагаараа онцгой юм.
Б.БАЯРТ
