A$AP Rocky шинэ дууны бичлэгээрээ Рианнад гэрлэх санал тавьсан уу

Өнгөрсөн пүрэв гарагт (2022.05.05) A$AP Rocky “D.M.B” нэртэй шинэ дууны бичлэгээ цацжээ. Тус бичлэгтээ A$AP Рианнад гэрлэх санал тавьж буй дүр зураг оруулсан байна. Клипийн 2 минут 50 секундийн орчим “Marry Me” гэж асуухад Рианна “I do” хэмээн хариулсан юм.

Рианна A$AP Rocky-тэй болзож байна гэх цуурхал 2020 оны нэгдүгээр сараас эхэлсэн байна. Үүнээс жил дөрвөн сарын дараа буюу 2021 оны тавдугаар сард A$AP “GQ” сэтгүүлд ярилцлага өгөхдөө Рианнаг миний заяаны хань гэж хэлсэн аж. Хосууд энэ жилийн нэгдүгээр сард удахгүй хүүхэдтэй болох гэж буйгаа шүтэн бишрэгчдэдээ хэлсэн билээ.