Б.Ган-Очир: Х.Баттулгыг бүртгэхийг шаардсан хүсэлтийн шийдвэрээ гартал УДШ-ийн гадна жагсана
АН-ын зүгээс Ерөнхийлөгч асан Х.Баттулгыг АН-ын даргаар бүртгүүлэх хүсэлтээ өгсөн. Хүсэлтийн дагуу Монгол Улсын дээд шүүхийн нийт шүүгчийн хуралдаан 2022 оны 5 дугаар сарын 20-ны өдөр буюу өнөөдөр товлогдсон.
Уг хуралдаан өнөөдөр 14.40 цагт шийдэгдэнэ гэж АН-ын Хэрэг эрхлэх газрын дарга Б.Ган-Очир мэдэгдэв. Тэрбээр “Х.Баттулгыг бүртгэхийг шаардсан хүсэлтээ өнөөдөр УДШ-ийн Тамгын газрын даргад хүлээлгэж өгсөн. Мөн шүүхийн шийдвэр гартал жагсагчид УДШ-ийн гадна жагсана” гэжээ.
