Прокурорын тухай хуулийн төслийг эргүүлэн татав
Прокурорын тухай хуулийн өөрчлөлтөөр 45.4 дэх хэсэгт заасан “прокурорыг” гэсэн үгийг “Монгол Улсын
иргэнийг” болгон өөрчилсөн заалт олны шүүмжлэлийг дагуулж буй.
УИХ-ын Хууль зүйн байнгын хороогоор дээрх хуулийн төслийг хэлэлцэж байсан ч ХЗДХ-ийн сайд Х.Нямбаатар төслөө эргүүлэн татлаа. Тэрээр “Эрүүгийн хэрэг хянан шийдвэрлэх тухай хуулийн төслийг
дагаж прокурорын байгууллагын хуулийн төсөл өргөн барьсан. Нийгмийн зүгээс олон шүүмжлэл дагуулж байгаа тул өргөн барьсан хуулийн төслөөс прокурорын байгууллагатай холбоотой төслийг татаж авахаар боллоо. Албан бичгээ Засгийн газрын хуралдаанаар оруулж, байнгын хороонд хүргүүлнэ” гэсэн юм. Хуулийн төслийг татаж авсантай холбогдуулан МАН-ын бүлэг тав хоногийн завсарлага авлаа.
