Х.Янжингаажид Захиргааны хэргийн анхан шатны шүүх дээр ялжээ
Алтан Дорнод Монгол” ХХК-ийн захирал Т.Ганболд, түүний гэргий Х.Янжингаажид нарын гэр бүлийн асуудал олны анхаарлын төвд буй. Сүүлийн мэдээллээр Тордайн Ганболд 2016 онд батлуулсан гэрлэлтийн гэрчилгээг УБЕГ-аар устгуулсан гэх мэдээлэл түгсэн. Улмаар тухайн асуудалтай холбоотойгоор Нийслэл дэх Захиргааны хэргийн анхан шатны шүүхээс Т.Ганболд, Х.Янжингаажид нарын гэрлэлтийг хүчин төгөлдөр үлдээх шийдвэрийг гаргасан юм. Тэгвэл Т.Ганболд анхан шатны шүүхийн шийдвэрийг эсэргүүцэж давж заалджээ.
Энэ тухай түүний гэргий Х.Янжингаажид:
“Бид Захиргааны хэргийн давж заалдах шатны шүүх дээр яллаа. Т.Ганболдын Улсын Бүртгэлийн Ерөнхий Газрын байцаагчаар устгуулсан гэрлэлтийн гэрчилгээг шүүхээс хүчин төгөлдөр үлдээлээ. Одоо Ганболдод Дээд шүүх дээр давж заалдах 28 хоног бий. Ичих булчирхайгүй юм чинь давж заалдах л биз. Хамаагүй ээ. Монголын шүүх шударга ажилладаг гэдгийг харлаа.
Хэрвээ бүх юм нь ойлгомжтой бол Дээд шүүх бүр хэлэлцэлгүй, өнөөдрийн давж заалдах шатны шүүхийн шийдвэрийг хүчинтэй хэвээр үлдээдэг аж.
Гэхдээ энэ бол Ганболдын өдөөсөн хэргийн дөнгөж нэг хэрэг нь. Үүнээс гадна гарын үсгийг минь дуурайлгаж зурж нотариаттай нийлж миний өмчийг хулгайлсан эрүүгийн хэрэг, гэрлэлтийн баталгаагаа албан ёсоор салгаж үр хүүхдүүдээ өөр дээрээ авах иргэний хэргийн шүүх хурлууд давхар явж байгаа. 3-аас 1-т нь л хагас дутуу яллаа гэсэн үг. Зарим нэг хүнийг бодвол надад нас байна, цаг байна. Дуустал нь шантрахгүй явнаа.
Энэ хүн эр хүн шиг байсан бол бусад гэр бүлийн адил гэрлэлтээ салгах нэг л Иргэний хэргийн шүүх хурал явах байсан атал миний өмчийг хулгайлж, УБЕГ-т авлига өгч өөр Эрүү болон Захиргааны шүүхийн хэргүүдийг эхлүүлсэн билээ. Өөрөө унасан хүүхэд уйлдаггүй. Шившигээ таримаар байгаа бол одоо яалтай.
Бусад эмэгтэйчүүдэд сургамж болог гэж бодож он цаг, шүүх хуулийн процедурыг бичээд байгаа юм шүү. Зөвөөр ойлгоорой эрчүүдээ. Эм хүн эм хүндээ маш их хайртай байж болдог байгаа шүү. Дэмжиж байгаа бүх хүмүүстээ баярлалаа” гэжээ.
наад шанболд чинь боовгүй гэж заргалднаа харжил байгаарай.!! тэнгэрээс унасан хүүхдүүд гээл бороо шиг орсын.!! Гарууд бодит жүжиг үзээд шоолж сугаа даа.. !! хүүхнүүдтэй шүүхдэлцээд ялсан нь цор ганц Жонни л байна да боовка ха ха.. чи барахгүй ээ ! эртхэн бууж өг.