Цагдаа нар сурвалжилга хийж явсан сэтгүүлчийн биед халдаж, зургаан цаг баривчлан саатуулжээ

Дархан цаазат Богдхан уулын тэнцвэрт байдал, ой, ургамалд сөрөг нөлөөтэй байгууламжуудыг өнгөрөгч тавдугаар сарын 30-ны өдөр буулгаж эхэлсэн. Тухайлбал, Хан-Уул дүүргийн 11 дүгээр хорооны нутаг Ар Зайсангийн гудамжинд байрлах хийц бүтээцэд нь ан цав, цууралт үүсэж, ноцтой эвдэрч гэмтсэн барилга байгууламжуудыг албадан буулгах ажлыг эхлүүлээд байна. Гэтэл энэхүү Хотын даргын шийдвэр Богдхан уул руу явах замд байрлах Дугуй цагаан гэртэй амралтын ажилчид, эздийн эсэргүүцэлтэй тулгараад буй.

Харин өчигдөр /2022.06.09/ энэ талаар сурвалжилга хийж байсан сэтгүүлч, зураглаачийг хууль бусаар зураг авалт хийсэн гэх шалтгаанаар цагдаагийн алба хаагч нар биед нь халдаж, зургаан цагийн турш саатуулагджээ.

Тэрээр, “Бүх камер микрофон, утас, цүнх гээд бүгдийг нь хураалгаад эмнэлгийн тусламж авч чадалгүй цагдаагийн газрын шалан дээр өчнөөн цагийг өнгөрөөв.

БОГД ХААН АМРАЛТЫН ГАЗАР согтуу, мөн хууль бусаар богд хаан амралтын газар сурвалжлага хийсэн үндэслэлээр баривчлагджээ. Ингээд согтуурлын зэрэг 0 хувьтай мөн хууль ёсны хэвлэл мэдээлэл гэдгээ ч баталлаа. Мөн үндэслэлгүй баривчлагдсан гэдгээ ч мэдлээ. Гэсэн ч сулалж явуулаагүй.

Баривчлагдхаас өмнө 8-9 цагдаа хүч хэрэглэн лайв зогсоож, тэр дор нь лайвуудыг устгаж эхэлсэн. Утас камераа авахаар нэхэж цагдаа нартай хэсэг чаргууцалдсаны эцэст хэд хэд удаа 3-4 цагдаа нарт хүчтэй дэлсүүлэв. Ингээд цагдаагийн саарал фургон ирж 10 гаруй цагдаа бууж ирээд бүх талаас зулгааж чирэн фургонруу хүчээр оруулж, орохгүй гэж эсэргүүцэхэд хэдэн ч удаа цохиулсан юм бүү мэд

Нэг мэдэхэд фургоны шалан дээр хацраараа хэвтэж дээрээс хэд хэдэн цагдаа гишгэчихсэн хоорондоо “шоронд нь хатаачихмаар сэтгүүлчид олон байна” гэж инээлдэцгээж байв. Цагдаа шууд дамжуулж бгаа камерийн өмнө болоод, камер унтарсаны дараах харгис үйлдэл хоёр ямар новшийн бусармаг болохыг харлаа мэдэрлээ.

Эцэст нь шүүхийн шийдвэр гараагүй ч нийтийн эзэмшлийн талбайд нэг ч хэвлэлийг битгий оруул. Нэг ч дүрс камерт үлдэх ёсгүй шүү гэх хотын дарга Сумьяабазарын шинэхэн тушаал цагдаа нарыг тийнхүү оодруулсан юм билээ.Хотын дарга хүчтэй бна. Цагдаа нар нь ч саагиж байна. Хэвлэн мэдээллэх эрхийг хотын дарга ч хүч хэрэглэн хумиж байна даа” хэмээн нийтэлжээ.