Кофе уух соёл

1. ESPRESSO

Тусгай машинаар нунтагласан кофен дээр халуун усыг маш өндөр даралтаар шахаж хийдэг хар кофе юм. Итали маягийн энэхүү хар кофе нь маш өтгөн найрлагатай байдаг бөгөөд хэмжээний хувьд маш бага байдаг. Кофены хамгийн жижиг аяга эспрессоны аяга байдаг. Сайн шахагдсан чанартай эспрессо нь дээрээ шаргалдуу хөөсөрхөг байдаг.

2. AMERICANO

Эспрессон дээр 220 грамм орчим халуун ус хийж энэхүү кофег бэлдэнэ. Энэ нь хольцгүй эспрессо ууж чаддаггүй хүмүүст зориулагдсан бөгөөд нэг төрлийн бага зэргийн шингэвтэр хар кофе гэж ойлгож болно.

3. BLACK COFFEE

Буцалгасан сүүгүй дан хар кофе. Энэ нь хүмүүсийн хамгийн түгээмэл хэрэглэдэг төрөл юм.

4. CAFE LATTE

Эспрессон дээр хөөрүүлсэн сүү хийвэл латте болно. Сүү болон кофений харьцаа 3:1 байх ёстой.

5. CAFE AU LAIT

Энэ кофенд агуулагдах сүүний хэмжээ нь 1:1 харьцаатай байдаг учир зөөлөн амттай байдаг. Латтетэй төстэй хэдий ч нэг ялгаа нь эспрессогоор биш буцалгасан кофегоор найруулдаг.

6. IRISH COFFEE

“Irish” вискигээр амт оруулж, дээр нь цөцгийтэй крем тавьсан кофег хэлдэг. Энэ нь цаг агаар хүйтэн үед уухад хамгийн тохиромжтой кофе билээ.

7. MELYA

Нэг цайны халбага зөгийн балтай, чихэргүй какаотай кофе.

8. MOCHA

Эспрессон дээр шоколадны юм уу какаоны сироп нэмж, халуун сүү хийгээд хамгийн дээд талд нь сүүн крем нэмнэ. Эсвэл каппучино дээр шоколадны сиропоор амт оруулан хийж ч болдог. Илүү чихэрлэг, мөн кофены хүчлэг гашуун амтгүй учраас моча нь кофенд дургүй хүмүүст маш сайн тохирдог.

9. CAPPUCCINO

Ихэвчлэн ижил тэнцүү хэмжээний эспрессо, хөөрүүлсэн сүүгээр найруулдаг кофе бөгөөд дээр нь нунтаг шоколад цацдаг. Сүү ихтэй учир кофены амт нь сул байдаг ба зөөлөн амтанд дурлагсдад илүү тохиромжтой.

10. FRAPPE

Европ болон Латин Америкчуудын өргөн хэрэглэдэг кофе. Хүйтэн эспрессон дээр хийдэг боловч орчин үед 1-2 халбага найруулдаг кофен дээр элсэн чихэр, ус, мөс хийж бэлтгэх нь элбэг болсон.

11. ICE COFFEE

Жирийн мөстэй кофе. Зарим кофе шоп-д сүү, элсэн чихэр нэмж хийдэг.

12. INSTANT COFFEE

Найруулдаг нунтаг кофег хэлнэ. Ийм кофе нь хэрэглэхэд амар, өдөр тутмын хэрэглээнд нэвтэрсэн. Гэвч чанар болон амтын хувьд бусдаасаа мууд тооцогддог байна.