A Cool: Тайлбар тавьж, гоншигнож суух зав алга хийж байгаа ажлаараа хариулт өгье

Шүүхийн шийдвэр гүйцэтгэх ерөнхий газрын харьяа “Соёмбо” чуулгын даргаар томилогдоод удаагүй байгаа A Cool буюу дуучин Б.Анхбаяр хошууч цолтой болсон талаар бид өмнө нь мэдээлж байсан.

Харин түүнийг хошууч цолтой болсонд шүүмжлэх нэгэн цөөнгүй байгаа билээ. Энэ талаар дуучин A Cool өөрийн цахим хуудсаараа дамжуулан тайлбар хийжээ.

Тэрээр, “Ярилцлага өгч, тайлбар тавьж, гоншигнож суух зав алга! Яасан ч хүний сайн мууд дуртай нөхөд вэ. Тэрний оронд Аав Ээж гэр бүлээ, өвдөж зовсон ахан дүүстээ санаа тавьцгаая. Зүгээр л өөр өөрийн урд байгаа ажил хөдөлмөрөө сайн хийцгээе. Би хийж байгаа ажлаараа хариулт өгье. ЗАВГҮЙ ажил их байна” хэмээжээ.