Согтууруулах ундаа хэтрүүлэн хэрэглэсэн үедээ автомашин жолоодож, хүн дайрчээ

Өмнөговь аймгийн Баяндалай сумын Баян багийн “Хавцгайтын-Ам” гэдэг газар /аймгийн төвөөс баруун хойд зүгт 45 км, сумын төвөөс зүүн зүгт 47 км-т/5 хүн зугаалж явснаас нэг хүн нь суудлын автомашинд мөргүүлж автомашины доогуур орсон тухай дуудлагыг зургаадугаар сарын 29-ний өдрийн 14:02 цагт хүлээн авсан.

Тус аймгийн Онцгой байдлын газрын алба хаагчид 45 км зам туулан очиход Өмнөговь аймгийн Даланзадгад сумын харьяат иргэн М /46 настай, эрэгтэй/ нь согтууруулах ундаа хэтрүүлэн хэрэглэсэн үедээ автомашин жолоодож Өмнөговь аймгийн Даланзадгад сумын харьяат иргэн Б /45 настай, эрэгтэй/-ыг “Приус-20” загварын суудлын автомашинаар мөргөж амь насыг нь хохироосон бөгөөд автомашины урд дугуйн доороос цогцсыг гаргаж Цагдаагийн байгууллагад шилжүүлэн өгсөн.