УИХ-ын гишүүн Д.Сарангэрэлийн гэр бүлийн орлого ковидын жилүүдэд огцом өсөж, 500 саяас ГУРВАН ТЭРБУМ төгрөг болжээ

Авилгатай тэмцэх газраас хөрөнгө орлого мэдүүлэгчдийн мэдүүлгийг ил болгосон. Улмаар төрийн байгууллагын албан хаагчид, улс төрчдийн хөрөнгө оруулгын мэдүүлэг олны анхааралд ороод байгаа юм. УИХ-ын гишүүн Д.Сарангэрэл өөрийн цахим хуудасдаа 30 жил хөдөлмөрлөөд анх удаа тэрбум төгрөгийн орлоготой болж үзлээ хэмээсэн нь олны шүүмжлэлд ороод буй.

Түүний өөрийн болон нөхрийнх нь орлого ковидын жилүүдэд огцом өссөн нь анхаарал татна. Тухайлбал Д.Сарангэрэлийн нөхрийнх нь орлого 2017 онд 420 сая, 2018 онд 566 сая төгрөг, 2019 онд 397 сая төгрөг, 2020 онд 1 тэрбум 323 сая, 2021 онд 3 тэрбум 119 сая төгрөг олжээ.