Наадмын тасалбарыг их хэмжээгээр худалдан авч, цахим орчинд шаглан зарж байжээ
“Наадмын тасалбарыг шаглаж 400 мянган төгрөгөөр зарна” хэмээн сошиалд бичсэн иргэдийг шалгаж эхэлсэн тухай Үндэсний их баяр наадмыг зохион байгуулах хорооноос мэдээлэл хийх үеэрээ мэдэгдсэн. Тэгвэл ийн зар оруулсан иргэдийг илрүүлж, урьдаас худалдаж авсан байсан 215 ширхэг тасалбарыг хураан авчээ.
Тэд найз нөхөд, хамаатан садныхаа хүмүүсийн бүртгэлтэй утасны дугаар дээр их хэмжээний тасалбар худалдан авсан нь шалгалтаар ил болсон байна.
Б.БАЯРТ
