Бусдад зодуулсан хүү ил шарх, сорвигүй учир эрүүл мэндийн хохиролгүй гэж гарчээ

2022 оны гуравдугаар сарын 09-ны өдөр Баянгол дүүргийн 11 дүгээр хорооны нутаг дэвсгэрт байрлах 12 дугаар байрны гадна байрлах Хүүхдийн тоглоомын талбайд 16 нас Б, Г нар нь найз охинтой мессеж бичсэн гэх шалтгааны улмаас 16 настай “М”-г бүлгэн зодож танхайрсан хэрэг гарсан. Улмаар уг үйлдэлд Шүүх шинжилгээний үндэсний хүрээлэнд шинжээч томилж шинжилгээ хийлгэн, холбогдогч нарыг эрэн сурвалжилт зарлан олж тогтоон мэдүүлэг авч Баянгол дүүргийн цагдаагийн нэгдүгээр хэлтсээс Мөрдөн шалгах ажиллагааг явуулж байгаа юм. Тэгвэл хүүгийн шинжилгээний хариу гэмтэлгүй хэмээн гарчээ. Учир нь тухайн хэрэг явдал гурван сар гаруй хугацааны өмнө болсон бөгөөд ил шарх гэмтлүүд бүгд эдгэрсэн байна.

Б.БАЯРТ