Аялагчид хогоо тушаагаад, хогийн уут худалдаж авсан мөнгөө буцаан авч байна

Хөвсгөл нуурын байгалийн цогцолборт газрын экосистемийг хог хаягдлын менежментээр дамжуулан хамгаалах төсөл хэрэгжиж байна.  Уг төслийн хүрээнд 50 жуулчны баазын 25 нь Хог хаягдлын тогтвортой системийн сертификаттай болжээ. Төсөл хэрэгжсэнээр 1 хүнд ногдох хогны хэмжээ 30 хувь буурч, 50 жуулчны баазыг хог хаягдал ангилан ялгах хогийн саваар хангахаар төлөвлөжээ.

 Төслийн хүрээнд Хатгалд ирж байгаа машин бүр 5000 төгрөгөөр хогийн уутаа авч, аялах амрах явцдаа хогоо савлах бөгөөд гарахдаа хогоо тушааж мөнгөө буцаан авдаг болжээ.  Одоогоор хогийн уут авч байгаа иргэдийн 50 хувь орчим нь хогоо тушааж мөнгөө буцаан авч байгаа аж.