Сурагчдыг шийтгэх биш бясалгал хийлгэдэг сургууль

АНУ-ын Балтимор хотын Роберт Колманы нэрэмжит дунд сургууль бусад боловсролын байгууллагаас ихээхэн ялгаатай бөгөөд буруу зүйл хийсэн сурагчдыг хичээлийн дараа үлдээн хариуцлага тооцох аргыг энэхүү сургуулийн захиргаанаас илүү үр дүнтэй аргаар өөрчилсөн байна.

Энэ бол “Holistic Me” гэх сурган хүмүүжүүлэх программын нэг хэсэг бөгөөд энэ нь хүүхдүүдийг бясалгал, амьсгалын дасгал хийлгэж сургах зорилготой ажээ. Уг программыг тухайн хотын ТББ болох “Holistic Life Foundation”-ын хамтаар хэрэгжүүлэн явуулдаг ба эхэлснээс 2 жилийн дараа нэг ч сурагч сахилга батын зөрчил гаргаагүй ажээ.